Си-Ен-Ен: Пристапот на Западот кон Вучиќ носи ризик за дестабилизација на Балканот

Си-Ен-Ен: Пристапот на Западот кон Вучиќ носи ризик за дестабилизација на Балканот

Иако се приклучи на резолуциите на ОН со кои се осудува руската инвазија на Украина, српскиот лидер покажа минимална волја да се приклучи на западните санкции кон Русија, наведено е во анализата на Си-Ен-Ен

Во периодот кога Русија ја нападна Украина, Соединетите Американски Држави (САД) и Европската Унија (ЕУ) забрзано се свртеа кон Србија. Нивната политика имаше две цели, прво, Србија да се внесе во западното јато, подалеку од Русија. Второ, да ѝ се овозможи да се фокусира на поддршката на Украина, пишува Си-Ен-Ен во својата анализа.

Еден од најблиските сојузници на Москва во Европа, Белград, долго време се обидува да ја помине линијата помеѓу историските врски со Русија и потенцијалната иднина на поблиска европска интеграција. Западните дипломати се обидоа да го повлечат српскиот претседател Александар Вучиќ од орбитата на неговиот руски колега, претседателот Владимир Путин, ветувајќи побрз пат кон членство во ЕУ.

Но, 18 месеци подоцна, некои набљудувачи велат дека сегашниот пристап не ги постигнува двете негови цели.

Србија одби да учествува во сите рунди на санкции на ЕУ против Путин. Србија продолжи да ги следи сопствените интереси во регионот, поттикнувајќи конфликти во странство за да го одвлече вниманието од незадоволството дома, со сигурност знаејќи дека нема да бидат прекорени од Западот.

Ефектите од сето ова најжестоко се почувствуваа на Косово, кое постигна независност од Србија во 2008 година, по крвавите балкански војни во деведесеттите. Но, Белград и многумина етнички Срби на северот на Косово, сè уште одбиваат да го признаат неговиот суверенитет, заострувајќи ги односите меѓу соседите.

Си-Ен-Ен пренесува дека западните влади долго време ја третираат Србија како незаменлив балкански глас, понекогаш на сметка на повеќе периферни играчи.

„Нивното верување е дека Србија е балканска држава, како што тие ја гледаат. Србија е таа која, ако можете да ја ставите на страна, што и да значи тоа, сè ќе биде полесно“, изјавил Јасмин Мујановиќ, политиколог.

Анализата на Си-Ен-Ен потсетува дека и покрај напорите поддржани од ЕУ за енергетска транзиција, Србија останува силно зависна од Русија, откако го продаде мнозинскиот удел од својата нафтена компанија на рускиот државен гигант „Гаспром“.

И покрај надежите на Србија да се приклучи на ЕУ, Вучиќ продолжи да оди по јаже меѓу Москва и западните сили. Иако се приклучи на резолуциите на ОН со кои се осудува руската инвазија на Украина, српскиот лидер покажа минимална волја да се приклучи на западните санкции.

Прочитајте повеќе

Во акција уапсени 17 припадници на затворска полиција

Во акција уапсени 17 припадници на затворска полиција

Седумнаесет припадници на затворската полиција се уапсени во голема полициска акција, информираат од Обвинителството за …