Со солзавец растерани демонстрантите од центарот на Тбилиси

Со солзавец растерани демонстрантите од центарот на Тбилиси

Грузиската полиција синоќа употреби солзавец за да ги растера демонстрантите собрани пред зградата на парламентот во центарот на Тбилиси, откако претходно им нареди да си заминат, а тие не послушаа.

Француските медиуми пренесуваат дека претходно полицијата употребила водени топови за да се обиде да ја исплаши толпата.

GEORGIA-POLITICS/

Демонстрантите се противат на контроверзниот закон за „странски агенти“, што според критичарите е насочен кон медиумите и невладините организации.

Протестите на 8 март, во кои учесниците носеа грузиски и знамиња на ЕУ и скандираа против законот, се случија еден ден по судирите меѓу полицијата и активистите кои резултираа со десетици апсења и повредени.

Судирот се случи кога пратениците го поддржаа контроверзниот предлог-закон за „странски агенти“ на прво читање, за кој критичарите велат дека ќе и наштети на слободата на печатот и ќе ја турне земјата кон авторитаризам.

Министерството за внатрешни работи на 8 март соопшти дека во врска со судирите се приведени вкупно 77 демонстранти кои се обвинети за помал хулиганизам и непочитување на барањата на органите на прогонот. Се додава дека е покрената истрага за насилството.

Извор: Радио Слободна Европа

Прочитајте повеќе

Германскиот канцелар Шолц

Зошто Шолц не може да распише нови избори како Макрон?

Претседателот на Франција, Емануел Макрон по европските избори распиша вонредни избори за францускиот парламент. Во …