Денеска со почеток во 20.00 часот, во киното Мис Стон ќе биде изведен мултимедијалниот концертен перформанс „Сонувања за заборавеното“.

Перформансот е базиран врз комбинација на повеќе музички стилови, во кои доминира изведба на класична “западна“ музика од 17 и 18 век, кон која како еден можен контрапункт ќе бидат вклучени нејзините источни “паралели“, потипични за поднебјето кое не’ oпкружува. Тука спаѓаат традиционалните стилови на пеење: изворно и византиско пеење. Целата слика ќе биде надополнта и збогатена со визуелен перформанс.

Учесници во концертниот перформанс се:

Aна Митоска Стојаноска – сопран

Верица Шотаровска – пијано

Катерина Попоска – мецосопран

Бојана Артиновска – Трпческа – визуелен перформанс

Гоце Секулоски – труба, вокал (изворни и византиски напеви)
Денис Најдоски – пијано, вокал (исон – изворни и византиски напеви)

Димитар Ѓорѓиевски – режисер

Милан Секулоски – наратор, актер

Томе Темелкоски, Саша Нацевски – техничка и визуелна реализација

Перформансот е поддржан од Министерството за култура на Република Македонија, во рамки на манифестацијата „Нов културен бран“ 2018 година.