Директорот на Царинската управа, Горан Сугарески, денеска оствари работна средба со Јавниот обвинител, Љубомир Јовески.
„Главна тема на која што разговаравме беше продлабочување на заедничките напори за истрага и кривично гонење, како и јакнење на капацитетите и координација на надлежните органи. Од дискусијата дојдовме до заедничка констатација дека двете институции веќе имаат воспоставено добра соработка и размена на информации, која и понатака ќе продолжи со зголемен интензитет. Продолжуваме посветено да се фокусираме на еден од клучните приоритети на владината ‘Акција 21-Ја носиме Европа дома’, а тоа е превенцијата од корупција и организираниот криминал“, изјави Сугарески после средбата.