патувачката изложба „120 години од Илинденското востание“

Стотици документи и фотографии дел од патувачката изложба „120 години од Илинденското востание“

Документите се дел од архивските фондови што се чуваат во Државниот архив, а се преземени од архивите во Истанбул, Софија и Белград

Огромен број посетители ја посетиле изложбата „120 години од Илинденското востание – архивска меморија“ која на 1 август беше отворена пред Македониумот во Крушево во рамките на манифестацијата „Десет дена Крушевска Република“, соопштија од Државниот архив.

Изложбата содржи над 300 архивски документи и фотографии прикажани на 20 изложбени паноа. Документите се дел од архивските фондови што се чуваат во Државниот архив, а се преземени од архивите во Истанбул, Софија и Белград, информираше Архивот.

Посетителите на изложбата имаа можност да се сретнат со авторите и да се информираат за историските факти.

„Оваа изложба ги прикажува создавањето на македонската револуционерна организација, церемониите на заколнување на членството, дисциплината и солидарноста на Организацијата, нејзината структура, познатите војводи и револуционери, подготовките за Илинденското востание, текот и клучните вооружени борби со турската војска. На неколку паноа се прикажани и активностите што следувале по востанието, неговите последици и ефекти, како и конзулските известувања и објавите на светските печатени медиуми за него”, изјави директорот на Државниот архив, д-р Емил Крстески.

Изложбата идната недела ќе биде поставена во НУ Музеј на македонската борба во Скопје, а поради големиот интерес, Државниот архив најави нејзино претставување во повеќе градови во државата.

Извор:МЕТА

Прочитајте повеќе

Промоција на винил компилација „Поп култура“, во чест на Мирко Попов

Промоција на винил компилација „Поп култура“, во чест на Мирко Попов

Компилациската плоча содржи песни од млади современи македонски поп артисти и беше еден од последните …