ПУБЛИКУМ Вистината на прво место
Студено утро и сончев ден со појава на мала облачност. Ќе дува слаб до умерен, а наместа долж Повардарието повремено засилен ветер од северен правец. Дневната температура ќе се движи од 8 до 18 степени.
Во следните денови не’ очекува период на стабилно време со северен ветер и со ниски утрински температури кои наместа ќе се спуштат под нула, но ќе бидат во постепен пораст. Во петок попладне и сабота од пладневните часови наместа ќе има услови за краткотраен дожд. За време на викендот ќе дува слаб до умерен јужен ветер кој во понеделник се очекува да засилува.
Минималната температура ќе се спушти до 1 степен под нулата, а максималната ќе достигне 19 Целзиусови степени.
