Театар Комедија снима документарец за актерката Анче Џамбазова

Националната установа Театар Комедија започна со снимањето на документарниот филм за големата актерка, Анче Џамбазова. Филмот ќе се снима под режисерската палка на Миле Гроздановски, а сценариото го изработи Гоце Трајковски.

Во филмот ќе бидат прикажани разни аспекти од животот и кариерата на големата актерка Анче Џамбазова, а премиерата на документарецот ќе биде во рамките на фестивалот ,,Гола Месечина”, односно на последната вечер од фестивалот, 9 септември.

Фестивалот „Гола месечина“ е под покровителство на Општина Аеродром и градоначалникот Златко Марин, а ќе се одржи од 2 до 9 септември.