Во градскиот парк во Скопје кај „Школка“, утре, недела, во 11:00 часот ќе започне големата прослава „Боите на независноста“ по повод најголемиот државен празник во Република Северна Македонија, 8.Септември – Денот на независноста.
На настанот ќе се презентираат различни активности, сервисни информации, услуги кои граѓаните можат да ги добијат од институциите, показни вежби, традиционална храна, спорт и друго, а во 12:00 часот ќе следи и обраќање на претседателот на Владата, Зоран Заев.
На настанот со своја музичка програма ќе настапат: 5+ Бенд, Денсерс јунајтед, Виолета Томовска, Ај Кју, Елита Зибери и диџеј Драган Б. Костиќ.