ПУБЛИКУМ Вистината на прво место
Американската вселенска агенција НАСА објави видео и фотографии од површината на планетата Венера од материјалите кои ги собра соларната сонда Паркер за време на летот минатата година.
Задушена во густи облаци, површината на Венера обично не е видлива. Но, во две неодамнешни прелетувања на планетата, Паркер ја искористи својата широкоаголна сонда за да ја сними целата ноќна страна во бранови должини на видливиот спектар – типот на светлина што човечкото око може да ја види – и се протега во блиската инфрацрвена светлина.
Сондата откри слаб сјај од површината што покажува препознатливи карактеристики како континентални региони, рамнини и висорамнини, додека може да се забележи и луминисцентен ореол на кислород во атмосферата но и во атмосферата околу планетата.
„Возбудени сме од научните сознанија што ги има обезбедено досега Сончевата сонда Паркер“, рече Никола Фокс, директор на одделот за хелиофизика во седиштето на НАСА.
“Паркер продолжува да ги надминува нашите очекувања и возбудени сме што овие нови набљудувања направени за време на нашиот маневар со помош на гравитацијата можат да помогнат да се унапреди истражувањето на Венера на неочекувани начини“, додаде тој.
Ваквите слики на планетата, честопати наречена близнак на Земјата, можат да им помогнат на научниците да научат повеќе за геологијата на површината на Венера, кои минерали би можеле да бидат присутни таму и еволуцијата на планетата. Со оглед на сличностите меѓу планетите, оваа информација може да им помогне на научниците во потрагата да разберат зошто Венера стана негостопримлива, а Земјата стана оаза.
„Венера е третото најсветло нешто на небото, но до неодамна немавме многу информации за тоа како изгледала површината бидејќи нашиот поглед кон неа е блокиран од густа атмосфера“, рече Брајан Вуд, главен автор на новата студија и физичар во Поморската истражувачка лабораторија во Вашингтон. „Сега, конечно, за прв пат од вселената ја гледаме површината во видливи бранови должини“, додаде тој.
