Сите 130 избирачки места во општина Прилеп, утрово беа отворени на време, точно во 07.00 часот.

Од причина што имаат помалку од 10 гласачи, 12 избирачки места се присоединети кон други, додека 13 избирачки места се дислоцирани заради неисполнување на потребните услови за заштита од коронавирус.

Во понеделникот за гласање беа пријавени 29 лица позитивни на Ковид-19, односно лица кои се наоѓаат во изолација и самоизолација.

Во Прилеп гласаа и 489 болни и немоќни, меѓу кои и 25 штитеници на Домот за стари лица „Киро Крстески-Платник“.

Во Казнено поправната установа Затвор Прилеп вчера гласаа 66 затвореници.

Во општина Прилеп вкупно се регистрирани 64.004 лица со право на глас.

Избрирачките места ќе бидат отворени до 21.00 часот, до кога трае и изборниот молк.