Изградбата на резервоарот за вода за пиење во с. Белушино, општина Крушево, се наоѓа во напредна фаза. Реализацијата на проектот вреден 2.601.900 денари, започна во мај ова година.
„Во напредна фаза сме со овој проект. Резервоарот ветуван две децении, конечно се реализира. Жителите на Белушино немаа други барања освен овој резервоар, чија изградба и ставање во функција еднаш засекогаш ќе го регулира водоснабдувањето на месното население“, вели градоначалникот на општина Крушево, Томе Христоски.
Резервоарот се реализира во рамки на програмата за работа на Министерството за транспорт и врски.