Во пониските места врнежи од дожд, на планините снег

Од денес претпладне до утре до пладневните часови, ќе има пообилни врнежи од дожд, локално над 30 л/м2. Врнежи од снег ќе има на планините, каде снежната покривка значително ќе се зголеми, а денес од крајот на денот повремен снег ќе има и на некои повисоки места особено во западните делови. Дневната температура ќе се движи од 2 до 12 степени Целзиусови.

Во следните денови ќе преовладува променливо облачно и постудено време, со повремени локални врнежи од дожд и снег на планините. Во четврток претпладне во западните делови повремен снег понекадеќе има и на пониските места.