Едно лице загина во големиот пожар кој синоќа по полноќ избувна во Велес. Според првичните информации, загинал сопственикот на куќата, на возраст од околу 80 години.
Опожарената куќа е споменик на културата во велешката населба „Варналиите“. Станува збор за населба заштитена со закон, бидејќи е дел од јадрото на „Варналиите“, со стара автентична велешка архитектура од 19 век.