Во текот на вчерашниот ден, во периодот од 18.00 до 24.00 часот, полициски службеници од Надворешната канцеларија за криминалистички работи Прилеп, Полициското одделение Ропотово и Полициската станица Прилеп, во содејство со Шумска полиција Прилеп, спровеле акциска контрола. Притоа, во с.Гостиражни од Љ.Н.(38) и М.Н.(49), двајцата од с.Гостиражни, биле одземени околу 11 кубни метри нежигосани дабови дрва, без соодветна документација.
Исто така, над с.Гостиражни биле пронајдени околу 8 кубни метри нежигосани дабови дрва и истите ќе бидат предадени на шумска полициска Прилеп.
Истовремено, во реонот над Вештачко езеро во Прилеп било затекнато лицето Џ.А. и од него биле одземени запрежна кола натоварена со нежигосани дабови дрва од околу 1,5 кубни метри и една моторна пила. Истовремено, во тој дел биле пронајдени и други 5 метри кубни бесправно исечени огревни дрва.
Пронајдените дрва биле биле подигнати од Шумска полиција Прилеп, а по целосно документирање на случаите ќе биде поднесена соодветна кривична пријава.