Вонредни активности на oхридскиот кеј поради намалениот водостој на езерото

Вонредни активности на oхридскиот кеј поради намалениот водостој на езерото

Деновиве во Охрид се спроведуваат вонредни активности за расчистување на градскиот кеј на потегот помеѓу двете пристаништа, каде силниот ветар кој дуваше деновиве натрупа големи количини тиња и тешко разградлив отпад кај пристаништето.

Како што информираат од ЈП „Охридски комуналец“, на расчистувањето ќе се работи и во наредните денови, бидејќи според проценките на претпријатието, треба да се подигне повеќе од 50 кубни метри отпад. Најголемо количество смет беше собрано пред хотелот „Палас“.

„Со намалувањето на водостојот на Охридското Езеро на овој потег натрупани се големи количини тиња кои се расчистени со употреба на специјална механизација,“ велат од претпријатието.

Експертите велат дека станува збор за вообичаена појава предизвикана од намалениот водостој на езерото. Инаку намалување на нивото на водата од по еден сантиметар нотирано е и кај Преспанското и кај Охридското Езеро, кај кои водостојот е понизок од повеќегодишниот просек за ноември, додека нивото на Дојранското Езеро е повисоко од просечното.

Извор: МЕТА

Прочитајте повеќе

Мицкоски го објави составот на новата Влада, ќе има четири вицепремиери

Мицкоски го објави составот на новата Влада, ќе има четири вицепремиери

Мандатарот и лидер на ВМРО-ДПМНЕ, Христијан Мицкоски го објави идниот состав на новата Влада. Вечерва …