Денеска времето ќе биде облачно и посвежо со врнежи од дожд, кои повремено ќе бидат поројни, на места со ретки грмежи, а пообилни ќе бидат во северозападните и источните делови од земјава. Поради продор на студена воздушна маса, освен на планините врнежите ќе преминуваат во снег и на повисоките места, а кон крајот на денот и во текот на ноќта појава на снег ќе има и на некои пониски места. Од пладне ќе дува засилен северен ветер, што ќе услови нагло намалување на дневните температури за 7 до 9 степени. Дневната температура ќе се движи во интервалот помеѓу 2 и 12 степени Целзиусови.
![Врнежливо време](https://www.publikum.mk/wp-content/uploads/2019/11/vreme-dozd-cador.jpg)