Времето денеска променливо облачно, со максимална температура до 27 степени

Во утринските и претпладневните часови од денешниот ден ќе се задржи променливо облачно време, со повремен локален дожд. Во текот на денот облачноста ќе се намалува. Ќе дува слаб до умерен, а повремено и засилен ветер, во западните делови од западен, а во останатите од северозападен правец. Температурата ќе се движи во интервалот од 13 до 27 степени Целзиусови.

Утре времето ќе биде стабилно, со засилен југозападен ветер. Во четврток и петок ќе преовладува променливо облачно и свежо време, со слаб локален дожд и засилен северен ветер. Стабилно и потопло се очекува за време на викендот.