ПУБЛИКУМ Вистината на прво место
На денешен ден пред 25 години во Белград се одигра 100. вечно дерби помеѓу српските големи ривали, Црвена Звезда и Партизан.
„Маракана“ беше преполна се пееше „Ѓурѓевдан“, а на крајот херој и човек на одлука беше македонецот Митко Стојковски.
Српски „Телеграф“ направи големо интервју со Македонецот по повод ова дерби. Во тоа дерби Стојковски прво изнуди пенал во 79. минута кој го реализираше Дарко Ковачевиќ, а шест минути и самиот ја затресе мрежата за победа од 2:1.
„Тоа беше натпревар кој ја обележа мојата кариера, можам така да кажам. Јас играв одбрана, а потегот на Љупко Петровиќ во тој натпревар да ме испрати понапред се покажа како полн погодок. Луѓето и денес ме паметат по тој натпревар, иако јас одиграв 100 натпревари за Звезда. Не се памети ништо од она што го правев во одбраната, се памети само дека го решив тоа дерби“.
„Натпреварот беше многу важен. Ние бевме први со три бода предност на три кола до крајот. Со победа практично ја обезбедувавме титулата, ни одговараше и нерешено и Љупко така ја постави тактиката. Игравме малку дефанзивно, тие ја имаа топката во свои нозе, водеа со 1:0, имаа и шанса за втор гол, но не ја искористија“
„Не направив јас нешто специјално. После едно нафрлување, Сављевиќ направи пенал над мене. Кога го постигнав голот се водев од инстиктот. Беше прво некој фаул, одиграв пас со Ковачевиќ, тој потоа се сврте и шутираше, а јас само продолжив да одам кон голот. Тоа беше интуиција, топката ми дојде на лева нога и ја пласирав во голот“, изјави во дел од интервјуто Стојковски.
https://www.youtube.com/watch?time_continue=1&v=PQEMfwDuXKY&feature=emb_logo
Целото интервју можете да го прочитате – тука.
Извор: Спортски.мк
