ПУБЛИКУМ Вистината на прво место
По повод одбележувањето на патрониот празник на ООУ „Никола Карев“, градоначалникот на општина Крушево, Томе Христоски заедно со делегација на крушевското училиште предводена од директорката Оливера Чавкароска, положија цвеќе на споменикот на Никола Карев.
Во својата изјава, градоначалникот Христоски повика на целосно нормализирање на наставата и враќање на учениците и наставниците во училниците.
„Денес оддаваме почит на Никола Карев, револуционер и претседател на Крушевската Република, образован човек кој е пример за многу од нас. Во образовниот процес не смее да има ни ден пауза, затоа ги повикувам наставниците да се вратат на работа и целосно да се нормализира наставата. Просветните работници ќе добиваат поголеми плати, а со најновиот договор меѓу Владата и СОНК, ќе добијат и регрес за годишен одмор“, порача градоначалникот Христоски.
