Денеска и за викендот облачно и постудено време со врнежи од дожд

Времето денеска ќе биде променливо облачно со повремени врнежи од дожд, претежно попладне и во јужните делови во земјата каде што ќе има појава на ретки грмежи. Врнежите ќе продолжат и преку ноќта, а во однос на вчерашниот ден температурата ќе биде пониска за неколку степени.

Во деновите од претстојниот продолжен викенд, ќе преовладува променливо облачно и посвежо време, наместа со повремен дожд и услови за ретки грмежи. Врнежите ќе бидат поинтензивни во сабота вечер и во недела преку денот. Максималната температура ќе достигне 21 степен Целзиусов.