Премиерот Заев и ЕУ амбасадорот Жбогар, утре ќе го посетат Прилеп

Утре, вторник 3.јули, премиерот Зоран Заев, министерот за внатрешни работи Оливер Спасовски и амбасадорот на ЕУ во земјава, Самуел Жбогар, ќе го посетат Прилеп и ќе извршат увид во изградбата на ИКТ центар за опоравување од катастрофи и обезбедување на континуитет во работата. Проектот е финансиран со средства од фондовите на ЕУ и од Владата на РМ.

Истовремено, високата владина делегација и ЕУ амбасадорот Жбогар, ќе ја предадат во употреба пречистителната станица за отпадни води. На овој настан, свои обраќања ќе имаат премиерот Заев, министрите за финансии и за заштита на животната средина, Тевдовски и Дураки, ЕУ амбасадорот Жбогар, како и градоначалникот на Прилеп, Илија Јованоски.