Папата Франциск на 7 мај ќе ја посети Македонија

Владата на Република Македонија ја потврди информацијата дека Неговата Светост Папата Франциск, на 7 мај 2019 година, ќе ја посети нашата држава. Прифаќајќи ја поканата на највисоките власти на државата и на Католичката црква, Папата Франциск ќе оствари Апостолско патување во Република Македонија, при што ќе го посетиСкопје.

Претходно, на 5 и 6 мај, Папата Франциск ќе престојува во Бугарија, каде ќе ги посети градовите Софија и Раковски.