Облачно време, со повремени врнежи од снег

Денеска ќе се задржи облачно, студено и ветровито време, со повремени врнежи претежно од снег. Во планинските региони и во западните делови ќе се формира нова снежна покривка од 10 до 20 см. Долж Повардарието врнежите ќе бидат од дожд, влажен снег и снег и на места ќе се формира помала снежна покривка. Поради силниот ветер кој во одредени делови ќе достигне и 70 км/час, ќе има услови за појава на снежни наноси.

Дневната температура ќе се движи во интервалот од -1 до 8 степени Целзиусови.