Дипломираниот машински инженер, Сашо Велески, од вчера е именуван за директор на ЈКП „Комуналец“- Прилеп.
На директорската функција Велески доаѓа од работното место раководител на Сектор за паркови и зеленило при ЈКП „Комуналец“. Велески има работно искуство од областа на менаџирање во стопанството, бил член на УО во „Телеком“, а претходно и член на Советот на општина Прилеп.
Имајќи го во предвид досегашното работно искуство и познавањето на приликите и состојбите во јавните претпријатија, Велески најавува многу новини во областа на правилното третирање и управување со отпадот, како и безрезервна заложба за чист и уреден град и здрава животна средина.