СДСМ: Со проектот „Учи паметно, работи стручно“ ја потврдуваме грижата за младите и инвестираме во иднината на македонската економија

Соопштение за јавност на СДСМ

Владата предводена од СДСМ и Министерството за образование наесен ја стартуваат имплементацијата на образовниот процес „Учи паметно, работи стручно“ преку кој учениците се стекнуваат со пракса и потенцијално вработување по завршување на образованието, а компаниите добиваат стручно оспособен кадар кој на дадените работни задачи ќе одговори на стручен начин.

Со конкурсот за упис во средните училишта 2021/2021 во соработка на Министерството за образование и наука и низа компании, на младите им се дава можност за брз и успешен настап на пазарот на трудот. Понатаму, младите добиваат солидна основа за понатамошното образовно надградување, гаранција за добра заработка, конкурентност и финансиско осамостојување кое ќе ја намали младинската невработеност, а пак компаниите добиваат веднаш вработливи кадри.

Благодарение на процесот „Учи паметно, работи стручно“, стручните паралелки се зголемуваат од 61,66% во учебна 2020-2021, на 65,22% за учебна 2021-2022, односно 19.602 ученички места во 604 паралелки и 1190 ученички места во 35 паралелки.

На 1.500 ученици во дуални паралелки Владата и МОН обезбедуваат месечен надоместок од 3.500 денари за 9 месеци во година, 500 ученици во тригодишно стручно образование да добијат 3.500 денари месечно и 200 ученици од прва година кои реализираат наставни програми од електротехничка, градежно-геодетска, угостителско-туристичка, земјоделско-ветеринрна, машинска или текстилно-кожарска струка добиваат месечен износ од 2200 денари.

„Учи паметно, работи стручно“ дополнително ја продлабочува соработката помеѓу компаниите и средните стручни училишта, но и помага во дефинирање на нови стручни профили за потребите на пазарот на трудот.

СДСМ како одговорна партија континуирано работи на подобрување на младинскиот стандард и непрекинато креира и реализира мерки кои обезбедуваат реални можности за младите, за нивното образование и кариерен развој со цел младите да останат во својата татковина и тука да ја градат иднината.

Продолжуваме со вистинска грижа за младите, затоа што тие се иднината на нашето општество, тие се иднината на нашата држава.