Мицкоски, прв пат: …И нормално, идниот градоначалник доктор Борче Јаковчески!
Мицкоски, втор пат: Ама прилепчани денеска јасно велат кој е идниот градоначалник во Прилеп – доктор Борче Јаковчески!
Во присуство на претседателот на партијата, Христијан Мицкоски, синоќа во Прилеп ВМРО-ДПМНЕ одржа митинг, на кој Борче Јовчески беше промовиран во кандидат за градоначалник на општина Прилеп.
Скандалозно и срамно е кога првиот човек на ВМРО-ДПМНЕ не се потрудил да го научи името на својот кандидат за градоначалник не само на Прилеп, туку на било која општина во нашата земја. Бидејќи, не само што на тој начин ја покажува својата политичка неукост и некадарност да се носи со сериозноста на функцијата која ја извршува, туку со тоа директно го девалвира и омаловажува својот кандидат.
Ако по утрото денот се познава, не е тешко да се претпостави разврската на октомвриските локални избори.