Во просториите на Клубот на пратеници, денеска ќе биде потпишан Меморандум за соработка во борбата против радикализација преку интернет, кој произлегува од ИПА проектот „Зајакнување на капацитетите за превенција/спречување на насилен екстремизам и борба против тероризмот“, финансиран од Европската Унија.
Документот ќе биде потпишан од претставници на државните институции и компании, вклучени во процесот на спречување на радикализација преку интернет: Влада на Република Северна Македонија, Министерство за внатрешни работи, Министерство за одбрана, Агенција за национална безбедност, Агенција за разузнавање, Агенцијата за млади и спорт, Македонска академска истражувачка мрежа, Комора на Република Северна Македонија за приватно обезбедување, Македонски Телеком а.д., А1 Македонија ДООЕЛ Скопје.