За еден денар се намалуваат малопродажните цени на бензините ЕУРОСУПЕР БС-95 и ЕУРОСУПЕР БС-98, кои од полноќ ќе изнесуваат 88,00, односно 90,5 денари за литар.
Малопродажната цена на ЕУРОДИЗЕЛ (Д-Е V) се намалува за 2,50 денари и ќе се продава по цена од 100,5 денари за литар.
За 1,5 денари се намалува и цената на екстра лесното масло за домаќинство (ЕЛ-1), и неговата нова цена ќе изнесува 97,00 денари за литар.
Малопродажната цена на Мазутот М-1 НС, се намалува за 0,43 денари, со што еден килограм мазут ќе чини 49,4 денари.