Филипче во Прилеп

Д-р Венко Филипче од Прилеп: Повисоки плати во јавното здравство и 15 отсто зголемена капитација за општите лекари (Галерија)

По повод 7 Април, Светски ден на здравјето, денеска во Паркот на револуцијата во Прилеп се одржа трибина со д-р Венко Филипче, Миле Талевски и Кети Стевананџија, на која присуствуваа здравствени работници од јавното и приватното здравство, како и вработени во областа на фармацијата.

Честитајќи го Светскиот ден на здравјето и здравствените работници, д-р Филипче ја истакна пожртвуваноста на докторите, медицинските сестри и целокупниот персонал од прилепската болница „Борка Талески“ за време на Ковид пандемијата, но и на големиот број на инвестиции во оваа здравствена установа од периодот кога тој беше прв човек во Министерството за здравство.

Д-р Филипче ја нагласи потребата од натамошни, уште поголеми инвестиции во подобрување на условите во здравствените установи како за медицинскиот персонал така и за пациентите, истакнувајќи неколку клучни проекти и реформи:

  • Укинување на партиципацијата за услуги во јавното здравство
  • Зголемување на капитацијата за матичните лекари за 15%
  • Нови 1.000 специјализации и субспецијализации
  • Зголемување на платите за специјалистите во терциерното здравство до 180.000, во секундарното здравство до 140.000 денари и на општите лекари до 120.000 денари
  • Платите на медицинските сестри со висока школа ќе бидат зголемени до 90.000 денари, а на оние со средно училиште до 60.000 денари.

Она што д-р Филипче исто така го истакна, е дека ЈЗУ Општа болница со проширена дејност „Борка Талески“- Прилеп, ќе биде дел од наставната база на новиот Медицински факултет при Универзитетот „Св.Климент Охридски“- Битола.

По повод денешниот Светски ден на здравјето и здравствените работници, д-р Венко Филипче положи цвеќе на Могилата на непобедените, како и пред бистата на народниот херој Борка Талески, чие име го носи прилепската болница.

Прочитајте повеќе

Георгиев бил фатен на дело со мито, Иџет Мемети е второосомничен

Обвинителство: Врховниот судија Георгиев бил фатен на дело со мито, Иџет Мемети е второосомничен

Јавен обвинител предложи притвор само за првоосомничениот кој е затекнат при извршување на кривичното дело, …