Дизелот поевтинува за 2 денарa

Од ноќеска на полноќ, дизел горивото на бензинските станици низ земјава ќе се продава поевтино за 2 денарa за литар – ваква одлука донесе Регулаторната комисија за енергетика и водни услуги.

Според најновата одлука, од вечерва, литар Еуродизел ќе чини 78,5 денари.

Во меѓувреме, цените на останатите горива остануваат исти.

Моторниот бензин Еуросупер БС-95 и понатаму се продава по цена од 83 денари за литар, додека Еуросупер БС – 98 чини 85,5 денари за литар.

Литар екстра-лесно масло за домаќинство ја задржува цената од 77,5 денари, а килограм мазут и понатаму чини 42,901 денари.