Филипче: Александар Николоски

Филипче: Николоски, кој во животот никогаш ништо не работел, не може да ја разбере поддршката која природно доаѓа од луѓето

Писмена реакција на носителот на ИЕ 4 од редовите на СДСМ и Коалицијата, Венко Филипче, на интервјуто на Александар Николоски од ДПМНЕ:

„За очекување е дека Александар Николоски не може да разбере што значи кога луѓето се задоволни од твојата работа, тој впрочем никогаш ништо не работел. Откако на свои 24 години станал пратеник и политичар единствено заработувал од даноците на граѓаните и со друго не може да се пофали.

Во дваесетина години колку што е во политиката, никој не памти ниедно позитивно дело на Александар Николоски. Затоа не може да ја разбере поддршката која природно доаѓа од луѓе кои го ценат она што сум го сработил.

Јас на почетокот на кампањата реков дека треба да го подигнеме нивото на комуникација, но очигледно Николоски нема капацитет тоа да го разбере.

Александар Николоски е еден од најодговорните за директно лажење и манипулирање со граѓаните за време на Ковид кризата. Преку свесно плашење на и онака исплашените граѓани, тој имаше единствена цел политички да профитира. Е тоа е злоупотреба.

Николоски е единствен политичар, кој ни помалку ни повеќе, го имаат демантирано Обединетите нации во неговиот занес на лаги. Додека ние секојдневно се обидувавме да ги смириме луѓето, додека со целиот тим во клиниките се боревме за секој живот, Николоски коваше планови како да смисли нова манипулација за прес-конференција. Тоа е неговиот придонес“, се вели во реакцијата на д-р Венко Филипче.

Прочитајте повеќе

Д-р Венко Филипче, митинг Скопје (4)

Д-р Филипче: Плати и до 180 илјади денари во здравството

Д-р Венко Филипче, носителот на листата на кандидати за пратеници на СДСМ и Коалицијата за …