Ковачевски: Тие што ги заборавиле обврските кон граѓаните ќе се разделат од позициите

„Јас од моите обврски не бегам, ниту смеам, ниту можам, ниту сакам и тоа ќе го барам од сите вас“, им порача вечерва премиерот и претседалтел на СДСМ, Димитар Ковачевски на присутните на трибината „Силно и одлучно кон иднината“, што се одржа во Скопје.

„Тие што нашите обврски кон граѓаните ги заборавиле или не ги исполнуваат, одговорно ви велам дека ќе им се заблагодариме. Ниту имаме можност, ниту смееме, ниту ќе дозволам толеранција кон неефикасност, неспособност, нечесност. Јавно кажувам. Мора да има ред, знаење и работа. Мора да има дисциплина“, истакна Ковачевски.

• Немам намера, додаде Ковачевски, заради малкумина, да загрозиме се што е направено, се“ што треба да се направи за оваа држава и народ и да оставиме простор на популисти и лажни патриоти, кои би продале сѐ, би сториле сѐ и би растуриле сѐ за пари и фотелји.
• Јас ќе водам. И ќе барам поголема солидарност, сплотеност, одговорност. Од сите. За сите такви има место во СДСМ. СДСМ и’ е потребен на државата! За да служи, за да исполни, за да реализира победи и успеси на нацијата“, порача претседателот на СДСМ, Ковачевски.