ПУБЛИКУМ Вистината на прво место
Во Општина Крушево денеска се одржа конститутивна седница на Советот за социјална заштита, кој ќе има за цел остварување на дејноста социјална заштита.
Советот го сочинуваат 11 членови со мандат од 4 години, и тоа од различни институции: Општина Крушево, Здравствен дом, Полиција, Центар за социјални работи, од образовната сфера, верските заедници и невладини организации.
Работата на Советот се однесува на проблеми од социјалниот развој, одредување и спроведување мерки за заштита од социјални ризици, креирање локален социјален план, анализирање и констатирање на состојбите во областа на социјалната заштита и друго.
