Крушево: Ученици од СОУ „Наум Наумовски Борче“ освоија прво место на натпревар по гастрономија на Брач, Хрватска

Претставник од хотел „Монтана Палас“ Крушево, како еден од главните покровители, учениците, менторот Оливера Карева Скола, со асистенција на професорот Љупчо Крстески и директорката Снежана Миленкоска, одржаа средба со градоначалникот на општина Крушево Томе Христоски. Честитајќи им на огромниот успех, на средбата во неговиот кабинет градоначалникот Христоски истакна дека постигнатиот успех претставува промоција на градот, на средното училиште, но и на струките од областа на угостителството.

На 14-от Меѓународен фестивал по гастрономија Супетар – Брач, Република Хрватска, кој се одржа од 9 до 14 април, учениците имаа можност да присуствуваат на мастер часови од реномирани европски шефови на кујни, а покрај професорите, директорката и покровителите, несебична поддршка во подготовката даде и Христијан Јорданоски.