Никола Димитров: Државата не е партијата! Ќе ве чекаме во 21 век!

Како одговор на барањето на ВМРО-ДПМНЕ за негова интерпелација, министерот за надворешни работи, Никола Димитров на пратениците од оваа партија им се обрати со следните зборови:

„Јас во кризата на неказнивост, вашите соопштенија ги читав заменувајќи ја државата со партијата. И така имаа смисла. За жал, и вашите настапи денес, само така имаат смисла. Оваа амбиција и дрскост, да зборувате во името на народот… Вие може да зборувате во името на вашите гласачи, не можете да зборувате во името на мнозинството. Што, ние не сме народ овде на другава страна што седиме? Вие ќе бидете тој судија што ќе кажува кој е народот, кој не е народот? Партијата не е народот! Вие треба секое сабајле да повторувате по 10 пати… Партијата не е народот! Државата не е партијата! Македонија не е партијата!“.