Оскари 2023: „Се`, секаде, одеднаш“ ги пожнеа наградите

Оскари 2023: „Се`, секаде, одеднаш“ ги пожнеа наградите

Филмот „Се`, секаде, одеднаш“ е големиот победник на вечерта, освои седум од 11-те Оскари за кои беше номиниран. Како прва Азијка, Мишел Јео освои Оскар за најдобра актерка.

Научно фантастичниот филм „Се`, секаде, одеднаш“ ги пожнеа признанијата во категориите најдобар филм, режија и оригинално сценарио (Даниел Кван и Даниел Шајнерт), најдобра актерка (Мишел Јео) и споредна женска улога (Џејми Ли Кертис), споредна машка улога (Ке Хуи Кван) и најдобра монтажа (Пол Роџерс).

60-годишната актерка од Малезија, Мишел Јео воедно е и прва актерка со азиско потекло која добила Оскар за најдобра женска улога. „И` благодарам на Академијата, овде се случи нешто историско. Ова е доказ дека можете да сонувате големи нешта и дека соништата навистина се остваруваат “, изјави таа.

Мишел Јео Оскар
Мишел Јео воедно е прва актерка со азиско потекло која добила Оскар за најдобра женска улога

Филмот е приказна за Евелин Ванг, имигрантка од Кина, која работи во перална и одеднаш се наоѓа во повеќе паралелни универзуми.

Брендан Фрејзер е прогласен за најдобар актер за улогата на дебел хомосексуалец во филмот „Кит“. Фрејзер со години, по бројни лични проблеми и удари на судбината, се имаше речиси повлечено од филмскиот свет.

Многумина филмски критичари сметаа дека Фрејзер нема да може да се избори во конкуренцијата со ирскиот актер Колин Фарел, кој важеше за фаворит, но Холивуд секогаш приредува изненадувања.

Брендан Фрејзер, Оскар филм „Кит“
Спектакуларно филмско враќање на Брендан Фрејзер – Оскар за најдобар актер за улогата во филмот „Кит“

Филмот „На Запад ништо ново“ доби четири Оскари, повеќе од било кој германски филм во историјата.

Филмот „На Запад ништо ново“ освои четири Оскари
Филмот „На Запад ништо ново“ освои четири Оскари

Воениот спектакл, работен според познатиот роман на Ерих Мариа Ремарк, во режија на Едвард Бергер, награден е како најдобар филм надвор од англиското јазично подрачје, а се закити со најпрестижното признание и за фотографија, сценографија и филмска музика.

Прочитајте повеќе

Цела армија административци ќе се селат од едно во друго министерство во следните пет месеци

Цела армија административци ќе се селат од едно во друго министерство во следните пет месеци

Со четирите нови министерства и реорганизацијата на останатите, допрва треба да се дели просторот, опремата, …