Осуда од италијанската амбасада за сквернавењето на споменикот во Битола

Заедничко соопштение на Општина Битола и Амбасадата на Италија

Општината Битола и Амбасадата на Италија во Северна Република Македонија го осудуваат вандалскиот чин на сквернавење на споменикот подигнат во чест на скоро педесет илјади италијански борци кои, заедно со Британците, Французите, Србите и Грците, се бореле на македонска територија за време на Првата светска војна.

Се работи за крајно нецивилизациски чин, кој што не може да биде одобрен за ниедно спомен обележје. Современите европски вредности подразбираат почит, без која не може да се говори за заеднички просперитет во човештвото.