Делегацијата од ад-хок комисијата на Парламентарното собрание на Советот на Европа информирaла за целите на нивната предизборна мисија, како и за нивните активности, очекувања и улога во изборниот процес
Претседателот Стево Пендаровски денеска ја прими делегацијата на ад-хок комисијата на Парламентарното собрание на Советот на Европа за набљудување на претседателските и парламентарните избори во Република Северна Македонија, кои престојуваат во предизборна мисија во земјава.
Тој кажал дека како земја која е членка на НАТО и како земја која претендира да стане членка на Европската Унија, неопходно е на претстојните избори да демонстрираме максимална професионалност од државните институции и политичка коректност и зрелост од страна на сите политички субјекти инволвирани во изборниот процес.
„На средбата беше разговарано за текот на подготовките на претседателските и парламентарните избори во Република Северна Македонија. Делегацијата од ад-хок комисијата на Парламентарното собрание на Советот на Европа информираше за целите на нивната предизборна мисија, како и за нивните активности, очекувања и улога во изборниот процес. На средбата беше изразено очекување дека претстојните претседателски и парламентарни избори ќе бидат фер, демократски и во мирна атмосфера, во целосна согласност со националното законодавство и меѓународните обврски и стандарди“, наведено е во соопштението од претседателскиот кабинет.
Извор: МЕТА
ПУБЛИКУМ Вистината на прво место
