Поранешни разузнавачи осудени за убиството на српскиот новинар Чурувија

Поранешни разузнавачи осудени за убиството на српскиот новинар Чурувија

Судот во Белград им изрече 30 годишна затворска казна на четворица поранешни разузнавачи за убиството во 1999 година на истакнатиот новинар Славко Чурувија, кој го критикуваше поранешниот претседател на Србија Слободан Милошевиќ. Чурувија, сопственик и уредник на два независни весници во тоа време, беше застрелан пред својот дом во Белград на 11 април 1999 година, неколку дена по почетокот на бомбардирањата на НАТО.

Судот во Белград денеска ги осуди поранешниот шеф на државната безбедност Раде Марковиќ и Милан Радоњиќ, кој беше задолжен за белградската разузнавачка служба, на 30 години затвор. Марковиќ веќе отслужува 40-годишна затворска казна за други политички убиства. Судот, исто така, им пресуди затворски казни и на поранешниот разузнавач Ратко Ромиќ и на Мирослав Курак, кој беше осуден во отсуство.

Извор: Радио Слободна Европа

Прочитајте повеќе

Макрон го отфрли обидот на левичарскиот сојуз да назначи премиер

Макрон го отфрли обидот на левичарскиот сојуз да назначи премиер

Францускиот претседател Емануел Макрон изјави дека по завршувањето на Олимписките игри во Париз ќе именува …