Пренасочување на сообраќајот кај Градско во правец кон Гевгелија

Поради изведување на градежни работи на експресниот пат од Градско до Дреново, денеска од 9 до 18 часот, сообраќајот на автопатот Е-75 во правец кон Богородица кај клучката Градско, ќе биде пренасочен на другата коловозна лента, соопштуваат од АМСМ.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата.