ПУБЛИКУМ Вистината на прво место
Две руски државни новински агенции во понеделникот објавија дека Москва ги преместува војниците на „поповолни позиции“ источно од реката Днепар во Украина, за неколку минути подоцна да ја повлечат информацијата.
Невообичаениот инцидент го истакна нередот во рускиот воен естаблишмент и државните медиуми за тоа како да известуваат за ситуацијата на бојното поле во јужна Украина, според Ројтерс.
Руското Министерство за одбрана, како што пренесува порталот РБЦ, објави дека „испраќањето лажна дојава за „прегрупирање“ на војниците во реонот на Днепар, наводно во име на прес-центарот на руското Министерство за одбрана, е провокација. ”
Руската војска минатата недела објави дека нејзините сили го спречиле обидот на Украина да формира мост на источниот брег на Днепар и блиските острови.
Во серија од три вонредни вести во понеделникот, државната новинска агенција РИА објави дека командата на руската армија во Днепар одлучила да ги премести војниците на „поповолни позиции“ источно од Днепар.
Беше наведено дека, по прегрупирањето, дел од силите од Днепар ќе бидат распоредени во офанзиви на други фронтови.
РИА наведува дека руската воена команда се согласила со заклучоците на раководството на групата Днепар и наредила да започне трансферот на војниците.
Неколку минути подоцна, РИА ги повлече сите три стории без објаснување.
Друга државна агенција, ТАСС, објави само една вест за прераспоредување на војниците на поповолни позиции, а потоа ја повлече, велејќи дека е објавена по грешка. Таа им се извини на своите читатели.
Американскиот институт за проучување на војната минатата недела соопшти дека Украина извршила напади преку реките Днепар во регионот Херсон во средината на октомври и истакна дека руските воени блогери известуваат за продолжување на украинските копнени операции на источниот брег.
Извор: РСЕ
