Сара Џесика Паркер го пофали „Медена земја“, а ја критикуваа зошто не додала “Северна“ во името

Познатата актерка Сара Џесика Паркер, најпозната по нејзината улога на Кери во серијата „Сексот и градот“, објави на својот Инстаграм профил неверојатни пофални зборови за документарецот „Honeyland“ (Медена земја) и за тимот кој стои зад него.

„Медена земја е неверојатна, визуелно восхитувачка, интимна, а сепак епска приказна за пчеларката Атиџе Муратова. Жена која нема никогаш да ја заборавам! Има причина зошто филмот ги собра сите награди за документарци“, напиша славната актерка.

Таа потоа им се заблагодари на режисерите и вели дека „Медена земја“ ќе биде една од најдобрите номинации за оскар оваа година.

 

View this post on Instagram

 

“Honeyland” The astonishing, visually breathtaking, intimate yet epic story of beekeeper Hatidze Muratova. A woman I shall never forget. There is a reason this film is collecting every documentary prize and award. Congratulations to the filmmakers @ljubomirstefanov and @tamarakotevska and thank you for allowing us to travel with you. I will follow you both anywhere. Currently playing in NYC @quadcinema. Check your local listings and I feel certain it will be among the greats nominated for an Oscar and available for wider release or streaming. X, SJ Edited by me. There is much discussion about this post. More specifically choice of country name and what I gleaned from all the interviews and reviews I read after seeing this extraordinary film. My point was to direct as many audiences that I could to this story and exceptional documentary. I take no political position as I feel ill informed and not equipped. I will make it my business to learn more. In turn I hope all will make it their business to be an audience for “Honeyland”

A post shared by SJP (@sarahjessicaparker) on Oct 5, 2019 at 9:13pm PDT

Интересно е тоа дека и покрај тоа што оваа објава е фокусирана на културата и филмот како магично средство за раскажување приказни, кои можат од мала држава како нашата да стасаат и до холивудските кругови, сепак дури и оваа објава не помина без мала политичка сенка. Имено Џесика во оригиналната објава ја именувала нашата држава како Република Македонија, по што добила голем број коментари од Инстаграм корисници од Грција, кои барале да ја смени својата оригинална објава и да додаде „Северна“. По ова Џесика го сменила постот и била приморана јавно да се извинува во коментарите на објавата.

По неколку часа, коментарите на оваа објава беа исклучени, а Сара објави додаток на објаснувањето на постот.

„Гледам дека има голема дискусија околу овој пост и името на државата. Мојата цел беше да привлечам што е можно повеќе публика да го гледа одличниот документарец Медена земја. Не завземам политичка страна, а во иднина ќе се потрудам да научам повеќе за ситуацијата. Во меѓувреме гледајте го Медена земја“, напиша актерката.

Извор: МЕТА