ПУБЛИКУМ Вистината на прво место
Прес-конференција на Богданка Кузеска, портпаролка на СДСМ
Почитувани граѓани,
Штипјани дoкажаа дека знаат да ја препознаат вистинската вредност.
На фер, слободни, демократски и пред се здравствено безбедни избори за градоначалник, граѓаните на Штип му ја дадоа довербата на кандидатот на СДСМ д-р Сашко Николов и јасно покажаа дека се за напредок и развој, за грижа и поддршка за сите.
Штипјани кажаа ДА за решенија, одговорност и просперитет и НЕ за опасност и нестабилност.
Со освоени речиси 12 илјади гласа, СДСМ доби повеќе гласови од предвремените парламентарни избори пред 4 месеци.
Токму ова е потврда за сите наши политики, потврда за квалитетот на кандидатот кој од Штип ќе направи дом еднаков за сите граѓани.
Почитувани,
Народот ги порази сите блокади, бојкоти, хистерии и деструкции на Мицкоски.
Народот јасно кажа дека не сака кочење и блокади, сака напредок.
ВМРО ДПМНЕ и Христијан Мицкоски, немаа храброст да се соочат со противкандидат, да се соочат со граѓаните на Штип и кукавички без да учествуаат на овие избори правеа опструкции со цел да наштетат на процесот, но не им успеа!
Штипјани решително гласаа за концептот кој оди по европскиот пат и ја поразија деструктивноста на ВМРО ДПМНЕ.
Граѓаните на Штип испратија јасна порака и до бојкотирачот Мицкоски, граѓаните го казнија неодговорното однесување на ВМРО-ДПМНЕ, избраа грижа, одговорност и стабилност, а не блокади, бојкот, лаги, стравови и хистерии.
Без притисоци, уцени или закани како во некое режимско време, граѓаните застанаа зад чесната понуда и програма на СДСМ и д-р Сашко Николов.
Политиките на СДСМ, со проекти, капитални инвестиции, грижата за граѓаните, направија пресврт во Истокот на државата, кој е веќе бастион на социјалдемократијата.
Ова е уште еден пораз за ВМРО-ДПМНЕ, за деструктивноста на опозицијата, која нема став за ниту едно клучно прашање.
Граѓаните избраа демократија, развој, напредок со СДСМ, Мицкоски останува сам на браникот на криминалот.
