Совет на општина Прилеп: Усвоена Годишната сметка на општинскиот буџет, но не и Извештајот за безбедносната состојба во втората половина од 2021 година

На денешната 9-та седница, покрај другото, членовите на општинскиот Совет ги усвоија Годишната сметка на буџетот за 2021 година, Годишниот извештај и измената на Одлуката за извршување на буџетот на Општина Прилеп за тековната 2022 година.

Усвоени беа и Годишните сметки за 2021 година на ЈКП „Водовод и канализација“, ЈКП „Комуналец“ и ЈП за ПУП,  како Годишните сметки на  ЈОУДГ „Наша иднина“, ЈОУ Дом за стари лица „Киро Крстески – Платник“ и ЈОУ Градска библиотека „Борка Талески“.

После бурна дебата, не помина Извештајот за безбедносната состојба на подрачјето на Полициската станица од општа надлежност – Прилеп за второто полугодие од 2021 година, додека со мнозинство гласови беше усвоена Одлуката за утврдување на приоритет на под-проектот „Реконструкција на улицата ‘Леце Котески’“.