ПУБЛИКУМ Вистината на прво место
„Патот од Струга до Ќафасан се гради, но кога ќе завршат градежните работи ќе зависи од градежната сезона која е на самиот крај“, изјави денеска министерот за транспорт и врски, Горан Сугарески по однос на поплаките на граѓаните дека патниот правец се наоѓа во многу лоша состојба.
Министерот изрази уверување дека нашата држава ќе ја добие арбитражата во Загреб против шпанската компанија „Рубау“, која градеше една од делниците на експресниот пат Прилеп-Градско.
Сугарески истакна дека надлежните служби интензивно работат со цел што поскоро да биде распишан тендер за избор на нов изведувач, а веќе следниот месец ќе започне рехабилитацијата на постоечкиот пат Прилеп-Градско.
