Тешка сообраќајна несреќа кај Евзони, се судриле автомобил и автобус со српски туристи

Tри лица загинаа во тешка сообраќајна несреќа во која учествувале српски автобус и еден автомобил на патот на граничниот премин Евзони, пренесува Н1.

Несреќата се случила близу Поликастро. Во автобусот имало 78 патници, а во автомобилот четири лица. Тројца патници од автомобилот загинале, а четвртиот е тешко повреден. Брзо по сударот, друг автомобил налетал на возилото, но двајца патници, жена и дете, не се повредени.

Во несреќата се повредени 40 патници, од кои и две деца на возраст од 4 и 6 години.

Повредените се здобиле со различни повреди, а на лице место помош пружале лекари од мобилни единици.