Владата денеска ќе ја одржи редовната 19-та седница, на која согласно своите надлежности ќе разгледува повеќе точки од својата програма за работа и од интерес на граѓаните.
Според предложениот дневен ред, меѓу другото, на денешната седница ќе се разгледува и Информацијата за задолженијата за надлежните институции по мерките и активностите од Националната стратегија за спречување на корупцијата и судирот на интереси 2021-2025.
За разгледување, најавена е и Националната стратегија за интегрирано гранично управување 2021-2025, со Акциски план за нејзина имплементација.