За домашните миленичиња остануваат востановените термини и за време на претстојниот продолжен викенд

Во врска со измените и дополнувањата донесени на 56 седница на Владата за време на продолжениот празничен викенд, времето за прошетки на миленичињата останува во востановените термини.

Граѓаните, во периодот кога важи забраната за движење, своите миленичиња ќе можат да ги изнесуваат наутро од 08:00 до 08:30 часот, потоа попладне од 15:00 до 15:30 часот, како и навечер од 20:00 до 20:30 часот, до 100 метри оддалеченост од живеалиштето и со примена на останатите мерки за лична заштита.