Во врска со најавените промени во Владата и државните институции, премиерот Зоран Заев денеска изјави:

“Овој период ќе го искористам за конечни консултации, така што верувам дека во почетокот на јуни ќе излезам комплетно со промени во раководни структури на министерско ниво, во државните институции, а верувам дека некаде кон крајот на јуни ќе се пуштиме и по вертикала, односно во самите општини каде што државата е преставена со одредени државни институции”.

Заев најави дека ќе се менуваат министри, заменици министри, директори, а како партиски претседател најави промени и во СДСМ.

Запрашан за критериумите по кои ќе се прават кадровските промени, Заев ги наброи ароганцијата, неисполнувањето на одредени очекувања, неагилниот однос на носители на високи функции, непотизмот и други аспекти кои ќе бидат ќе бидат согледани.