Повеќе од половина од децата чии семејства побегнале од воениот конфликт во седум земји, не се запишани во тамошното национално образование, а причина за тоа се јазичните бариери и преоптоварените образовни системи
УНИЦЕФ соопшти дека повеќе од 1.300 училишта се целосно уништени во областите под контрола на Владата во Украина, во руската инвазија која започна во 2022 година, пренесе Гардијан.
Заради постојаните напади, само околу една третина од децата на училишна возраст таму посетуваат настава, а многумина го забораваат она што го учат.
Надвор од границите на Украина, повеќе од половина од децата чии семејства побегнале од воениот конфликт во седум земји, не се запишани во тамошното национално образование, а причина за тоа се јазичните бариери и преоптоварените образовни системи.
Во меѓувреме, Украина денеска соопшти дека нејзините сили навлегле подлабоко во руските одбранбени линии во близина на селото Роботин, еден ден откако ја презедоа контрола над селото на јужниот фронт.
Инаку, Гардијан исто така пренесува и дека руската противвоздушна одбрана наводно соборила украински беспилотни летала над регионите Тула и Белгород, но нема информации за жртви или повредени.
САД пак ја обвинија Москва за обид да ги заплаши и малтретира американските вработени, откако руските државни медиуми објавија дека поранешен вработен во американскиот конзулат во Русија бил обвинет за собирање информации за војната во Украина и други прашања за Вашингтон.
ПУБЛИКУМ Вистината на прво место
